 放大圖片
【本報訊】（記者 梁靜儀）楊千嬅婚後仍繼續搏命搵錢，將於十月七日至十日假紅館演出四場舉行世界巡迴演唱會，昨日千嬅出席記者會，而曾與她鬧不和的前老闆黎明，亦在附近一間酒店為旗下新人JW舉行EP發佈會，千嬅笑稱早知如此就約埋一齊搞記招。同時千嬅又宣佈將於十二月二十日擺酒，婚宴會分兩天舉行。
昨日千嬅身穿黑色低胸裝，配以一身鑽飾，一身貴婦look現身演唱會香港站記者會，會上千嬅更獲信用卡贊助商贊助99999元的信用額簽帳及周大福送贈千萬鑽飾。
疑以真胸上陣的千嬅，否認真胸之餘更不忘自嘲說：「我有著黑色泳衣打底，我係男人，低胸都冇嘢睇。」她又透露個唱最貴的門票只是480元，沒有加價是希望回饋支持她的朋友。她又笑指為了配合演唱會主題，這次邀請了日本勁旅Exlie為她伴舞，問到可有辣身舞時？她笑言：「因為我著高跟鞋，他們其實係扶我，怕我跌𣜭。(老公可介意？)如果佢介意睇到我辣身舞咪擰轉面，上次演唱會上我同古天樂咀，佢就五場都擰轉面。」至於愛唱歌的老公又會否上台做嘉賓？千嬅表示應該不會了，但相信會晚晚帶來燉湯捧場。
望請城城做嘉賓
問到他想誰人做嘉賓？千嬅坦言想邀請從未合作過的郭富城，至於可會邀請舊老闆黎明做嘉賓？千嬅指若對方有時間當然好，更笑說：「佢係公子，我依家係Lady，正好配合返演唱會主題。」出身於華星的千嬅，這次重返舊公司開個唱，是以個唱上亦會唱出多首華星年代的歌曲， 還有舊公司金牌大風的歌，因為兩間公司都有五年感情。可會唱在A-music的歌？千嬅表示會的，屆時她會唱《化》及《撈月亮的人》。
會上千嬅又宣佈婚禮已定於十二月二十日，分兩日舉行，地點未定，預計會筵開48-50席，主要招待長輩、家人。她又稱揀這日沒有特別意思，最重要是有檔期，有關婚禮事交由老公處理，她要主力籌備演唱會。
調理身子出動全家
已是圈中小富婆的千嬅，又趁機找贊助商，笑言尚欠海味贊助，因為中醫師說她陰虛陽弱，太操勞，不夠氣，要飲海龍、海馬及冬蟲草，雙管齊下來調理身子，現由奶奶負責燉海龍、海馬湯；媽咪則煲冬蟲草，淨餘的留給老公。她又表示按工作計劃預計忙到明年中，故未必趕及明年生仔。現階段是否要做足安全措施？她笑說：「咁大個人，咁都控制唔到就大件事，依家最重要係注意飲食，希望再減多八磅。」
黎明昨日在附近一間酒店為旗下新人JW搞EP記者會，千嬅不知情，更笑道：「早知就約埋一齊搞，咁成個東亞就可以霸晒一版。」Leon被指偏心JW？千嬅以過來人身份為舊老闆解釋，指Leon向來支持旗下藝人，不覺得他大細超，特別偏重JW，是認為作為新人更加要去珍惜。
|
放大圖片
