|
香港文匯報訊（記者 顏倫樂 瀋陽報道）向來風趣生鬼的陳啟宗，昨日於瀋陽主持開幕典禮後接受訪問時，亦不忘贈香港兩句。被問到是否撤離香港物業市場時，他風趣地說：「香港唔係唔做，但做咗你就唔開心，因為到時包市會跌到阿媽都唔認得。」那麼樓市何時會跌？他輕輕地帶過：「而家唔會咁容易冧嘅。」
陳啟宗表示，低息環境已持續了一段時間，「全世界都低到離晒大譜」，市場資金自然流向物業市場。不過，對於美國揚言低息環境維持至2015年中，他則語帶保留：「美國出口術啫，2015年邊有人知會點，美國咁講只係俾市場訊息，話人知我哋唔準備加息。」
等政府出地救樓市
針對樓價高企情況，新政府近月推出多項樓市措施，可惜樓價卻愈壓愈升。陳啟宗說：「一早講咗係（土地）供應唔夠，有乜辦法？而家等政府出地治下包市。」就發展東北爭議，他未有正面回應，只說：「香港人有自己睇法，又嫌地唔夠又唔俾（政府）起，自己諗下囉。」
望彤叔吉人天相
新世界前主席鄭裕彤（彤叔）最近入院，陳啟宗亦相當關心：「彤叔人好好，又厚道，佢出咗院就好，希望佢吉人天相，我兩個月前仲請佢嚟食飯，但佢老人家話夜晚少出街。」言畢又話當年：「佢20年前曾經寄過封信俾我，我仲keep住。」但陳不肯透露信件內容。
|
