放大圖片
■梁漢文為新歌《半邊生命》拍MV,邀請太太Karen親自出演「女主角」。
香港文匯報訊 梁漢文(Edmond)與太太林文慧(Karen)結婚五年,恩愛有增無減,日前他為新歌《半邊生命》拍MV,邀請太太Karen親自演出「女主角」,還有十幾位歌迷、唱片公司高層郭啟華和同事們「做返自己」客串婚禮賓客,MV戲假情真,眾人都非常投入和興奮,仿如真正的婚禮。Edmond表示重拾新婚甜蜜感覺,Karen坦言心情好像當年籌備婚禮一樣緊張,拍攝期間不敢直望老公,以免自己激動落淚。Edmond和Karen更徇眾要求咀嘴,大曬恩愛!Edmond說:「真係好開心,呢個MV故事係講男主角若干年之後為太太重辦一次婚禮,所以我就搵返當年有份參與我們婚禮的歌迷和同事朋友,今日來客串,令我感覺好似返到當年。呢班歌迷當年企在門口,今次參與其中,大家都好開心,我好多謝他們來幫手。」他又表示拍MV令他回憶五年前的婚禮:「雖然呢度唔係當年我們舉辦婚禮的地方,但呢度好有氣氛,太太都話感覺好似返去當年,大家著到好靚,來到仲不停同我們講恭喜,好有趣!」
MV的劇情中Edmond為搞婚禮好疲倦,一邊打瞌睡一邊化妝,現實中他卻表示五年前婚禮當日精神飽滿,他說:「當年梗係緊張過拍MV好多,今日劇情講我親自招呼朋友,但其實當年我交齫q班兄弟招呼賓客。而有一件事當年好想做而無做,今日終於完成心願,就是在台上致詞多謝太太,今日拍MV當然以歌詞代替,不過心情一樣咁感動!」問他是否落足咀頭太太粉墨登場?他笑說:「其實係導演細榮(莊少榮)的主意,佢覺得無理由『女主角』由另一位女子演我太太,於是我就傳話,太太一口答應。」
雖然Edmond和Karen由拍拖到結婚,至今相戀逾十五年,但擔任Edmond的MV「女主角」Karen還是第一次。
|