 放大圖片
■鄭家星跟雨僑手拖手漫步沙灘。
香港文匯報訊 唱作歌手鄭家星早前拍攝歌曲《有夥星》MV，找來曾和他傳緋聞的雨僑，兩人更應劇情需要手拖手漫步沙灘，又依偎着生火取暖，十分浪漫。
早前有報道指雨僑和羅力威冷戰，於是鄭家星展開追求攻勢，出動3百萬林寶堅尼戰車接載雨僑遊車河，這次家星專程找雨僑做MV女主角，問他是否真的有意展開追求？家星笑說：「咁佢當然靚女啦，而且好友善，感覺都幾好，呢隻歌講一對男女分開咗好耐之後重逢，大家有一種唔係好熟悉的距離感，我同雨僑其實唔係好熟，係朋友介紹，只係見過兩、三次，雖然之前傳過緋聞，但我唔會因為咁而避忌，因為佢真係適合拍呢個MV。」28歲的雨僑曾透露介意姐弟戀，只有23歲的鄭家星認為年齡不是問題，最緊要是大家投其所好，不過家星強調他倆現階段只是朋友。
此外，鄭家星在賀歲片《大鬧天宮》中飾演哪吒，和甄子丹、郭富城有對打戲份，問他和兩位前輩合作有何感受？他說：「我之前喺《葉問》同甄子丹合作過，《浮城》又同郭富城合作過，大家唔可以話熟，但合作起來都有默契。兩位前輩都好親切，唔駛埋位時都會同我傾吓偈，好肯教我。尤其係丹哥，佢係套戲嘅武術導演，我哋更加多機會接觸，佢真係好專業，每一個動作戲佢都會話畀我聽點樣出招拍出嚟先好睇，佢嘅悉心教導，感覺就好似係我師傅一樣。」
|
放大圖片
