 放大圖片
■Eason在成都巡演獻唱《浮誇》。
香港文匯報訊（記者 李思穎）陳奕迅EASON LIFE演唱會將於今年展開30場內地巡唱，上周便在成都作首站演出，合共兩場，Eason為答謝這兩天的成都粉絲，便在網上留言感謝歌迷給予無限量的愛和力量。Eason在倫敦演出時，曾經說過這20年內不再唱《浮誇》，繼法國巡迴演唱過後，日前在成都又再唱一次，對此，Eason笑言：「我講嘢都好信！」並澄清做騷從沒被迫，反而很享受這感覺。
陳奕迅在成都一站銷情非常理想，據主辦單位透露預售門票一出已經馬上爆滿，Eason聞悉喜訊驚訝道：「沒想過可以連開兩場，通常內地都是每個站唱一場嘛，所以都幾開心。之後其他地方會不會開兩場，就要睇公司安排。」
為了增添新鮮感，Eason在內地巡唱重整過演唱會的rundown， 國語及廣東歌各參半，內地歌迷對Eason廣東歌一樣耳熟能詳，依舊反應非常熱烈，令Eason愈唱愈high，最後一場更加因為觀眾反應超級瘋狂，安歌時就唱了歌迷一直不停大叫希望他唱的《浮誇》。
自言唱法文歌都得
Eason在倫敦演出時，曾經說過這20年內不再唱《浮誇》，但轉頭他已經在法國巡迴演出時安歌有唱，Eason笑道：「哈哈，我講嘢都好信！講下笑啫，奉勸大家唔好咁認真囉，放鬆些。其實這個世界有很多人都是想太多，又很執着，有很多時更把他們的想法加諸我身上，例如我有一次訪問說到很久沒做回自己，外間即刻話我買了樓，所以迫住做騷賺錢，事實上無人迫我，我不知多喜歡唱歌，享受做騷感覺，大家唔好將自己代入我到想太多啦，就連我唱多兩首廣東歌，都話我捍衛廣東話，廣東話是我母語，我對廣東歌的特別有感情，但對國語歌一樣鍾意，英文歌、法文歌我都得㗎。不過唱咩歌最緊要係配合到演唱會個主題，今次係講 LIFE人生，所以我揀《歲月如歌》，不唱國語版《兄妹》，因為歌詞內容比較配合主題內容，就是這樣簡單，但大家總是聯想出很多，有時見到報道都得啖笑。」
導演有要求成推動力
巡迴之外，Eason即將接拍杜琪峯及張艾嘉一同合作的電影，對於可以跟張艾嘉，杜琪峯合作，他表示十分開心。
問到他杜Sir出名要求高，會不會有壓力？Eason道：「盡力啦，有要求對我是好事，迫我做好些。」
|
放大圖片
