 放大圖片
■汪詩詩佩戴價值逾500萬翡翠鑽飾出席藝術品拍賣會。
香港文匯報訊（記者 梁靜儀）汪詩詩昨日佩戴價值逾500萬元翡翠鑽飾出席「邦瀚斯」藝術品拍賣會，記者打趣表示叫老公甄子丹相贈，自言好少收藏靚翡翠的詩詩聞言即笑道：「都好喎，不過同佢係講心唔講金。」提到子丹去年在內地的「福布斯」排名第一，但今年就跌至十一，詩詩聞言反問：「我都唔知係點計嘅，佢一直都忙住工作，唔清楚呢啲。」問到是否由她掌管佢財政？ 詩詩承認負責老公的財政，她說：「自己係太太，又是助手，仲係佢個銀行，佢又唔理這些，咩都交畀我，照顧好仔女。」問到給老公多少零用錢？詩詩笑指老公自己會在她的銀包拿錢，因為他唔肯記住提款卡的密碼，有時搞到她無錢都唔知，要問司機借錢。
另外，連詩雅穿上黑色TubeDress短裙大晒長腿之餘，又大晒所佩戴的7卡戒指高達100萬美金，不過她說：「如果有咁多錢，寧願買樓。」問到她可有收過鑽戒？她說：「以前男友試過送畀我，但又未認定係那個人，無收到。（送7卡畀你呢？）嘩，我無識咁有錢的朋友喎。」
|
放大圖片
