 放大圖片
■馬賽嗚咽稱會堅強面對過失，幾難都要跨過此關口，又叮囑所有女仔千萬不好拍這類相或片。
香港文匯報訊（記者 梁靜儀）前港姐馬賽繼去年爆出與女製片人汪子琦發展斷背情後，前日再爆出在網上流出不雅短片，當晚馬賽即發聲明，默認是短片中女主角，而同日亦被無綫製作資源部總監樂易玲下令暫停所有工作。由於事態嚴重，馬賽昨日下午返回電視城被高層「照肺」，事後承認會無限期停工，更憂可能還有片流出。
馬賽昨被「照肺」後，傍晚在企業傳訊部副總監曾醒明陪同下會見傳媒接受訪問，雖然有化妝但仍遮掩不到浮腫雙眼，明顯是喊過。
馬賽先向到場的逾20位記者道謝，問到她與樂易玲的談話內容，馬賽透露公司會暫停她所有工作，而她是成年人，知道要負責任，所以會接受。至於暫停至何時，她說：「冇話幾時，但我感謝公司一直支持我，呢個行為係保護我，呢段時間我係要靜下休息下。」
談到網上流傳的不雅短片是何時拍攝？馬賽說：「係舊年拍，過咗一段長時間，昨日報咗警之後，重案組上咗我屋企錄口供，我將最詳細資料交咗俾警方。(知唔知條片係邊個放上網？)條片唔係我拍，我從來冇呢條片Copy，警方會幫我查。(條片係邊個拍攝？)當然係我曾經非常親密的一個人，好似我聲明講咗曾經好麻木咁去信任一個人，我相信好多人在愛情上都好麻木。」
再問到除了報道及網上的短片及相，可有影過其他相？可擔心再有其他短片流出？馬賽坦言應該還會有，又稱知道誰人持有︰「其實我真係唔知，應該仲有，但真係好私隱，我希望大家畀我唔答呢個問題，我知咩人有，自己係冇，唔知會唔會有傳媒已拿到呢啲相同嘅片，無論係再有咩情況，我都知自己一定要堅強面對，係好難過，但都要(面對)。」
對於汪子琦(馬賽舊愛)稱曾收過她send去的片及相？馬賽沒有正面回答，只表示這些事好私隱。發生今次事件，馬賽初時表示事件令她好堅強，由前日起有好多人支持她，令她感受到好多愛。說罷即激動落淚，邊喊邊說：「人哋想點我唔知，我作為父母個女，會堅強面對，我知佢哋仲更加難受。(考慮退出娛樂圈？)我冇諗過以後仲可唔可以做我呢份喜愛的職業，以後會從事咩職業我唔知，但我覺得我作為一個女仔，我要為自己講幾句說話同保護自己，所以我交咗件事畀警方處理。」問到可有後悔？馬賽坦言這個世界冇得後悔，做過承擔，錯了就認，但她好肯定自己愛錯了人。
依然深信愛情無分男女
再問到樂小姐可有提及跟她解約，還是只是暫停工作？曾醒明就代答︰「馬賽今日返來主要係將呢件事，同交咗畀警方重案組處理的過程，原原本本同公司詳細交代解釋，現階段暫停佢手上的工作，佢今日講完資料，各部門要花少少時間整理。」復工無期的馬賽被問到經濟上可會有問題？再度激動落淚的她說：「其實噚日發生呢件事，我一直唔肯同屋企人講，因為佢地在內地，我起初擔心佢哋接受唔到，我同爸爸話對唔住，爸爸話唔駛驚，個天塌落來有爸爸同我撐住，我好多謝佢哋，有佢哋保護同愛，無嘢係過唔到。」她續稱前日是好難捱的一日，她唯有靠信仰幫助。
提到有傳會繼續有片及相流出，問到馬賽可會驚？馬賽自爆由去年年底到現在，每日都過得不易，中間更患過抑鬱症，有睇精神科醫生同食藥，當時更有人群恐懼症，所以覺得擔心都無用，冇嘢需要去驚。她又否認因為擔心片段流出才會患上抑鬱症，「只是以為同一個好親密的人有親密行為，會相信佢會保護你，不會由那時開始擔心，而係當時的報道令我分唔清楚自己理解能力係咪有問題，定係有病？好驚見人，食不落飯，半夜睡醒瞓不着覺。」
拍片時微醺否認食藥
說回在不雅短片中，她的眼神迷惘，馬賽否認食藥，只是有少少微醺。至於跟汪子琦是否仍有聯絡？馬賽稱由去年底到現在都無聯絡。至於會否鍾意返男仔？她依然深信愛情無分男女，並說：「戀愛係好平等的事、兩個人的事，我曾經係一個為愛情不顧一齊的人，但經過一年的事情我覺得真係要成熟啲、成長。」
|
放大圖片
