 放大圖片
■鄭嘉穎與佘詩曼有偈傾。
香港文匯報訊（記者 李慶全、梁靜儀）鄭嘉穎、Mandy Lieu、鄧萃雯、陳嘉桓、何佩瑜(Jeana)及糖妹昨晚出席活動，一眾嘉賓遲遲未現身，令守候多時的傳媒鼓譟，其後大會指是嘉賓遲到。問到嘉穎是否遲到？他說：「我call time差唔多，我遲到呀？ 唔好意思，對唔住，係我唔好。」
近日盛傳嘉穎與佘詩曼(阿佘)在曹永廉生日飯局後復合，嘉穎指當晚其實好簡單，是曹永廉生日飯宴，阿佘在同場另一個房出席朋友的party，只是巧合見到，是大家好有聯想空間。問到可有跟阿佘傾偈？嘉穎坦認與阿佘有偈傾，他說：「阿佘都識得曹永廉，佢有過來，朋友當然有傾偈。」問到二人可有機會？嘉穎就反問：「問我追返佢呀？感情的事無話邊個追邊個，邊個主動唔主動，凡事講timing，呢個時間朋友關係最舒服。」言談間似默認二人曾拍拖。再問到他現時可有跟第二個有發展？他笑謂緣份到就告訴大家。無綫台慶將至，問到會否出席？嘉穎表示到時便知。
穿上黑色大露背裙的Mandy Lieu，透露剛由上海拍戲返來，此行主要客串演出《破風》一片，戲中與彭于晏會有曖昧關係，大家都拍攝得很開心。
|
放大圖片
