|
今季成績甚佳，目前以十三場頭馬成為本地騎師之冠的何澤堯，於今戰賽後便要停賽，而他各匹坐騎嘅實力唔錯，好有機會再添頭馬進帳，進一步拋離蔡明紹而代表本地騎師參加十二月舉行的國際騎師錦標賽。
剛戰在泥地四班千二米參戰，表現一般的「翡翠寶寶」，今戰移師取得四場亞軍的谷草千二米上陣，何澤堯再替馬兒執韁，他對馬匹的機會分析說：「隻馬泥草地均可以應付，上仗在泥地未能有好表現，主因是在十檔起步，出閘後沒有遮擋，落敗是可以理解，論狀態現階段相當弗，返回谷草千二米再戰，如有形勢配合，好有機會再於三甲上名，甚至贏馬都唔奇。」
「時尚風華」上仗在田草五班千二米後備補出，在何澤堯胯下跑入一席第三，表現唔錯，今仗移師快活谷縮程在一千米再戰，何澤堯說：「剛戰隻馬雖然是後備補出，但賽前練馬師已做好晒工夫，能夠輸俾較年輕嘅對手，力保一席三甲，已算交出應有水準，今仗角逐谷草一千米，雖然在此程未有上名紀錄，但練馬師作出咁嘅部署，相信是適合發揮的，而隻馬雖已七歲，但實力未退化，希望能夠把握到機會增添勝仗。」
|
