「金桂飄香」隸屬非凡賽馬團體名下，中國體操王子李寧更係經理人之一，昔日在徐雨石及伍碧權兩個馬房都束手無策，但轉投蘇偉賢馬房之後點石成金，易廄一出即勝之餘，整體演出比以往穩定，尤其是跑五班賽兩仗俱入Q，上仗季內初出谷草五班一哩，其時評四十分跑第二名，在柏寶胯下只不敵大熱門的「執子之手」得亞軍，賽後獲評磅員體恤居然一分不加，令佢繼續出戰五班賽，據知有人掩住咀偷笑評磅員手鬆，事關四五班鴻溝特別大，上四班肯定唔夠跑，在五班則綽綽有餘，抖番一輪回氣足夠，再跑番谷中一哩，肯定會再鍊過。
