資料速遞：包裝奔馳三班過客

姚廄「包裝奔馳」上仗在港初出即贏千二米，賽前試草地大閘拍住老馬王「雄心威龍」齊齊衝刺，實力肯定唔簡單，果然上仗以玩敵姿態贏馬，雖然大勝對手而回但本身走規仍然未熟，有此表現當然質素高強，賽後有人在凱旋門表示此駒有可能去到一班行列，倉主姚本輝自然愛護有嘉，名氣馬唔好唔出，今次睇準大賽日升班出戰，擺明有信心再顯顏色。而杜滿萊由於替同線之「包裝鬥士」勝出婦女銀袋賽，獲幕後賞識因而得到埋「包裝奔馳」的策騎權，並非上仗建功的郭能揀騎而棄之，郭能私下亦大嘆走寶，料屆時交出水準的話，再捷不難。