 放大圖片
■《絕地逃亡》由成龍（左）及范冰冰（中）主演。
「昨天還在一起......。痛！！！我怎麼這樣無能，沒把你救起來！我的兄弟，走好......。」成龍昨晚7時許，在其微博留言沉痛哀悼昨日凌晨因翻艇意外不幸溺斃的資深攝影師「高佬」陳國雄。
人稱好好先生的「高佬」，據悉當時已穿有救生衣，惜舢舨突遭強風巨浪翻覆，他疑遭電線纏繞無法逃生而釀成悲劇。昨晨現場更一度傳出成龍目擊意外經過，更有指他曾跳海救人；及後有知情人士澄清，指當時成龍在附近的廠房內休息，當聞得意外發生後，成龍馬上到場視察，但未有跳落海救人，為此成龍亦深感自責，未能及時救回手足寶貴性命。
黃秋生：唔應該八個人上隻舢舨
圈中藝人均對事件感到難過及惋惜，其中黃秋生及任賢齊不約而同質問為何不能做好安全措施，秋生於fb留言寫道：「拍戲反艇搞出人命，確係一個悲劇，但係行家們，呢種玩命嘅無知幾時先會停？」秋生續寫道：「我真心真心希望無論海陸空，呢種情況唔會再發生，睇到令人好唔開心。根本就唔應該八個人上隻舢舨，有艇家都會話你知危險，肯定拍嗰陣六七個人坐喺船頭，船頭過重就反艇。又冇另一隻救援船，又冇潛水員。香港電影咁多年都係咁，唔死又過多日，夠啦！！」之後秋生再回應網民謂：「我真係唔會搏，因為我試過，入咗一半水！」
至於曾合作拍攝電影的曾國祥亦於微博悼念：「今早開工收到令人難過的消息......，一位入行第一部戲已認識的工作伙伴，因為拍攝時出了意外而離開了......，兄弟希望你一路好走......。」
工作人員：得「高佬」一個着救生衣
另據事發時在場的一名工作人員透露，「高佬」午夜時分還高高興興和各作人員吃宵夜，及後出海拍攝跳海戲，當時約有7名工作人員登上機動舢舨，又指：「噚晚好大風大浪，平時拍跳海戲一定會call潛水員喺現場standby，咁啱噚晚就冇call到，其實出海嘅得『高佬』一個有着救生衣，最重安全嗰個反而出事，你話係咪整定。」
■記者 杜法祖
|
放大圖片
