睇通睇透：御皇鷹乘勇謀添食

「盃王」大摩近年獎金收入傲視同儕，今季先安排一批難出頭馬連珠炮發出擊，「兵工闖」以往十七戰不勝，如今取得三捷成績美滿，「步步威」自購馬亦順利開竅，兩勝泥地千二，「御皇鷹」昔日廿二戰未出頭，季初打疊兩捷上周轉谷草再贏，果真是三年不發市，發市當三年。「御皇鷹」賽績上谷草與田草頗有出入，但此駒其實在今季之前只是匹未出頭的處女馬，因此谷草未能勝出是絕不為奇，踏入今季的「御皇鷹」表現有突破性進展，前仗爭谷草千二全程三疊只負個多身位，上次排內檔即補中，今次隔七日匆匆再戰大可打鐵趁熱。