|
在剛周日賽事杜滿萊搏隻「超有利」，點知短兵相接下鬥輸俾「鈦金剛」，最終只得亞軍而回，他期望今次賽事運氣能夠好些，各匹坐騎可交出好成績。
上賽在田草三班一千米參戰，於賴維銘胯下表現一般的「佳音」，今仗移師快活谷落四班千二米再戰，馬兒改由杜滿萊主轡，騎者說：「雖是首次策騎呢匹馬出賽，不過最近已翻看過牠的戰績，雖然在沙田的表現較佳，但快活谷性能亦唔曳，季初兩戰在快活谷千二米均跑得第三名，而今仗落四班對手減弱，既然季初在三班都能上名，今戰應該會有唔錯嘅機會，日前在晨課上替馬兒過檔，有甚佳的走勢，表現令我滿意，期望今仗交出水準，可以重啟勝利門。」
一連兩仗在快活谷四班千二米角逐，表現未如理想的「旺金旺銀」，今戰落五班在同程再上陣，杜滿萊說：「其實馬兒的質素並不太差，在五班是有優勢，目前未能有好演出，因為尚未成熟，上仗在我胯下於陣上走勢有點稚嫩，而且排在外檔起步，全程在外疊沒有遮擋，未能發揮出水準，其實此匹四歲質新馬在進步中，如有好形勢配合，是有機會在三甲佔一席。」
|
