 放大圖片
■任賢齊偕謝安琪身穿單車服騎着單車出場。
香港文匯報訊（記者 李思穎）任賢齊、謝安琪（Kay）昨日出席將在4月12日舉行的「博愛單車百萬行2015」記者會，二人身穿單車服騎着單車出場，當日他們更會親自落場參與。
小齊大讚騎着單車的Kay擁有一頭漂亮秀髮可以拍廣告，他又以半鹹淡廣東話說：「我可唔可以踩你(Kay)後面，可以見到身形好靚，頭髮飄飄下。」小齊不忘提醒參加活動人士要小心，因喜歡戶外活動朋友越來越多，人多地方要更加注意安全，亦需留意身體狀況和單車檢查，而很多人掛着自拍，其實好危險。
問到會否一家大細參加？Kay謂：「每年都有叫，要視乎他們是否得閒，不過近日張繼聰忙着拍劇，囝囝張瞻比我們仲忙，有好多應酬。」
小齊表示：「以前想教仔女踩單車，可是香港的單車徑又窄又多人，很難找到適合地方，最後要返台灣學。」小齊有感而發說：「香港是動感之都，政府應規劃多些做運動地方。」小齊教仔女學踩單車，沒料他們很快上手，搞到他好無成就感，反而有朋友慢慢教識囝囝踩單車時感動到喊，小齊就好失落。Kay都試過教識兒子踩單車時都想喊，她笑說：「囝囝好快學識，我追佢唔到，嗰刻好想喊，以後我可以同邊個踩？」
謝安琪與夫各自拍劇度陶器婚
小齊在農曆年會放假返台灣度歲，同時要為自導自演的電影《我的澎湖灣》做後期製作，這部片他花上3、4年時間仍未完成，笑言：「4年來無錢賺到。」而他稍後要為杜琪峯執導的《樹大招風》一片補戲，未能留回長髮，他笑說：「唔知點解拍杜Sir電影幾年都未拍完，（好過拍王家衛的戲?）咁都係，比上不足比下有餘！」
Kay被問到吳雨霏宣布結婚一事，她即說：「我也是剛剛才知道，恭喜她，希望她新婚快樂，甜甜蜜蜜。」Kay亦剛於1月20日結婚八周年（陶器婚）紀念，她透露當日和老公都有工作，沒有慶祝，大家都各自拍劇，但相較平時見面機會更多，「之前得他拍劇時，每晚等他回來我便講同一句對白『你肚唔肚餓？我煮個麵你食』。現時我們經常在廠對戲，吸收下他的氣味，見多幾面，唔使煮麵！」
|
放大圖片
