文匯精選：實業風采跑千八準繩

放大圖片

下季冇牌騎師薛寶力，雖然幾成定局，但鬥志一樣鮮明，睇佢贏隻「好球」，連擅跑開長途�鴽霽絡q亦俾佢砌低，巫斯義�麙葃M「樂在其中」經已發揮得唔錯，點知薛寶力跑「好球」仲好，隻馬終點前兩步經已左片右片，證明力度已用得七七八八，但依然可以贏短頭位，呢次「好球」贏馬，全憑薛寶力努力不懈精神，死砌難砌，若將隻馬轉俾其他人騎，未必有咁好水準發揮，難怪老牌馬主劉耀柱對騎師大加讚許。其實，有傳聞薛寶力正申請緊下半季牌照，假如成績�琣磽傚搹n水準，成事機會相當高，更何況有兩位練馬師肯寫信撐佢，一位沈集成，另一位係霍利時，呢兩個馬房應承有馬支持佢，所以薛寶力騎呢兩個馬房�黻芋A除會打醒十二分精神外，仲會分外賣力。

正如今次日賽，呢兩個馬房一樣有實力馬支持薛寶力，霍利時有「聰明申報」搵番佢上陣，至於沈集成，上次由黎海榮跑得麻麻�鵅u為食仔」，今次用薛寶力，嘗試用新配搭，希望能夠同呢隻馬求取突破。另一方面，有部分華籍練馬師都非常睇薛寶力，葉楚航係其中一位，間唔中除潘頓以外，要用外籍騎師都會搵�嬼岌_力，上次由佢出戰�鵅u實業風采」（圖7號），跑泥地千八米，賽前唔多受人睇好之下，竟然可以跑入第二名，同「卓爾名駒」串Q，由於呢隻馬初跑泥地，適唔適應到，真係成問題，但薛寶力不負幕後所望，全力爭取，俾佢搶番席亞軍，亦由呢一席亞軍，睇到「實業風采」千八米呢個路程真係非常強同埋準繩。有數字統計，「實業風采」跑田草千八米，跑七次得兩冠三季，落敗兩次，一次是初跑，另外一次由蘇狄雄呢位未成氣候�黈v傅仔上陣，其他大師傅一騎上去，必有三甲成績，所以，今次用上薛寶力跑千八米，其實好有機會替騎者添頭馬。