|
今次賽事，蔡廄強陣出擊，似乎好有決心奪取冠軍寶座。上次初出角逐千二米即輕勝對手而回的「首飾太陽」，蹄下敗將「幸運如意」、「辣得很」之後已補中，反映屬高水準好賽績，今次上班增程角逐千四米，蔡約翰對馬兒的機會分析說：「呢隻自購馬在澳洲跑咗四戰得兩冠一亞一殿，來港後很快便能適應水土，而且進步幅度相當大，剛戰賽前估計是有贏馬機會，但沒料到會贏得咁輕鬆，畢竟對手實力相當強，今次雖然跑高一班，不過我對牠爭取連捷仍抱有信心，因為負輕磅會更適合此匹作賽經驗較淺的年幼馬發揮，相信一般對手要擊敗牠並不容易。」
「現代財星」剛戰在泥地千二米以短頭之微被「麟轉乾坤」氣走屈居亞軍，今次舊地重遊，再與「麟轉乾坤」狹路相逢，練者說：「上場叮噹馬頭鬥輸，好大因素是輸運氣，今次再與『麟轉乾坤』同場，相信『現代財星』是有反先機會，因為『麟轉乾坤』今季已贏咗五場，評分累積不少升幅，而且跑得多，相反『現代財星』屬一匹正在起飛的質新分子，今次的狀態比起上場又跨進一大步，只要得到正常發揮，贏面相當高。」
|
