資料速遞：超有利搏盡無保留

沈集成馬房踏入季尾階段攻勢凌厲，不但熱門馬順利勝出交得準，冷至九十九倍的「金巴裡好」亦一樣冇留手，目前已經摘下四十二場頭馬，於練馬師成績榜只落後Big4排在第五位，估計煞科前仍有增添頭馬機會，大有機會打破從練以來一季四十七場頭馬個人最佳紀錄，其中要數今季暫時代表招牌馬應係「超有利」，呢匹四歲馬季內已取得四冠三亞，三捷千六米直至上次加程千八再贏，來到季尾階段仍然再跑並無收手意圖，可以信賴幕後鬥志，事實上剛仗贏馬後小休兩個月才跑，體力方面應無問題，今次再戰三班賽對手爾爾力足再捷。