 放大圖片
■周柏豪
香港文匯報訊（記者 梁靜儀）周柏豪昨日到尖沙咀出席打遊戲機活動，他笑言可寓工作於娛樂，因本身都喜歡打機，尤其是籃球遊戲，他會與朋友上網一齊玩，覺得打機可訓練頭腦，當然要適可而止。問到女友會否一起打機？柏豪說：「唔會啦。」他謂以往打機會扭大聲喇叭，但現在為免嘈到鄰居，會戴上耳筒打，又自爆試過一次打機時整個人失重心向後跌，因為戴住咪，所以不敢大叫，唯有死忍住痛，幸好他不是用真名打機，所以無人知這件瘀事。
昨晚無綫舉行勁歌頒獎典禮，柏豪因要拍廣告而缺席，他指廣告很久前已定了拍攝日期，而往年勁歌都是一月舉行。有指他缺席是因最受歡迎男歌手頒給張敬軒所致？柏豪否認與此有關：「以我所知唔係，而連詩雅都唔會去，因有工作在身。(華納扭計？)唔係，今晚拍廣告時會睇直播。」他又稱之後舉行的新城勁爆頒獎禮都會缺席，因要返內地工作。說到缺席就無獎？柏豪說：「我今年少好多獎，無計，時間就唔到，但我自己個心係想參與。」
|
放大圖片
