 放大圖片
■朱紫嬈聖誕開騷父母到場支持。
香港文匯報訊（記者 植植）唱作歌手朱紫嬈（Khloe）聯同新人黃劍文（Kimman）在平安夜於紅磡某酒店舉行音樂會，有近百人出席，全場爆滿。Khloe直言喜出望外：「一般這些日子大家都已經有節目，沒諗過有咁多朋友會來，所以都好感動。最估唔到係父母都來了，因為我知道父母一早約了一大班朋友，所以應該是推約會然後來支持。不過頭先他們陰陰嘴笑，話支持我個show係其次，幫我在現場物色有冇女婿材料先係真，都唔知他們係講真定講笑。（Kimman唔係？）父母有讚佢靚仔同唱歌好聽，不過兩樣都唔係我要的條件，我都係想要個高大才俊，同佢感覺好似姊弟。」
問到有咩聖誕願望，佢就話最想隻碟可以快點出：「都隔了兩年沒出碟，今次仲要係第一次出hifi 碟，係一次好新的嘗試。而家每日點忙都練至少3個鐘頭歌，希望呢隻碟可以令大家會留意我的聲音同唱功。都希望下年繼續做多些音樂劇，因為今年做了幾齣之後真係上了癮，同成班前輩演員做戲真係好好玩。」
|
放大圖片
