 放大圖片
■坤哥（中）今年想過一個無party的聖誕 。
香港文匯報訊（記者 梁靜儀）吳業坤（坤哥）與吳若希（Jinny）昨日到尖沙咀出席商場聖誕活動，兩人除與粉絲玩遊戲外，又即場獻唱，大受歡迎。Jinny又拿坤哥與龔嘉欣緋聞上台，自稱欣欣。
活動上坤哥拿住結他自彈自唱，及送上鮮花向扮演他心儀女生的Jinny表白。而早前坤哥在音樂頒獎禮上，因得獎喊到眼鏡佈滿霧氣，現場他就示範用肥皂抹鏡片防霧氣。
事後Jinny受訪被問到為何剛才自稱叫欣欣？她笑說：「係突然諗到，怕佢對住我唱情歌投入唔到，（坤哥啱唔啱你？）我同坤哥係好兄弟，佢係好好好好嘅男仔，我哋係好好好朋友。」她又笑稱如果有個像坤哥的人追求她都好開心，好冧。不過當問到如果坤哥真的追求她又可會接受？Jinny即落閘說：「唔係事實回應唔到，況且坤哥大把女仔，我呢啲排隊要排到深圳灣，（哪個最近埋到坤哥身邊？）我同坤哥唔係好熟，唔知。」說到有傳龔嘉欣與坤哥擦出火花？她表示都是睇新聞才知，但睇完就算。
擺緋聞上台自稱欣欣
問到坤哥剛才見到「欣欣」想起哪個人？他笑指想起欣宜：「因為差唔多......個名。」他又稱相隔三年再同Jinny一起出席活動很開心。昨晚是平安夜，坤哥卻表示會返屋企與家人度過：「今年唔想出街，想靜少少，想過一個無party嘅聖誕，（約龔嘉欣一齊過？）我諗有朋友約佢，同埋買咗部遊戲機畀自己 ，唔信可以直播畀你哋睇，啲人話我係偽毒，所以毒一次畀大家睇。」
對於有傳Jinny加簽無綫合約以換取在勁歌頒獎禮的獎項，問到他可有加簽合約？坤哥透露入行五年至今加簽過一次，但都是較早前的事，因為合約屆滿要續約，與攞獎無關。他透露新約沒有特別，只是加了少少人工，但公司對他好好，給他好多機會，自言條路都幾平坦，今年除了唱歌又拍《愛·回家》。問到馬家回歸《愛·回家》，可有影響他們的戲份？坤哥表示他們是梅花間竹出現 ，不會特別減少。
|
放大圖片
