|
葉振南父親葉樹林雖年過80歲，但精力充沛，至今仍返集團上班。葉振南話：「細個時，爸爸好鍾意帶埋我去見客，參加社團活動，從小就訓練我。我做生意及參與社團等公職均受到他的影響。」
講到潮州人有「重男輕女」的傳統，葉振南笑言：「老一輩則有，像爸爸生男孫他就送個大金獎，大哥連攞3個金牌，我就攞得1個。到我這一代就是男女平等了，我自己就錫女仲多過仔，我哋潮州女有啲仲威水過潮州仔！」
每天公務社會事務兩頭忙，但葉振南總是精力充沛，他的秘訣在於「運動」。葉振南以前鍾愛打高爾夫球，2004年與一班老友記，拉大隊到深圳觀瀾湖高爾夫球會，打足一整天，但從此「封棍」，理由是「花一整天時間，想深一層，太浪費了」。葉振南說：「現在的運動主要是做gym、跑步這兩樣，不用約人，隨時都可以做，省時又有效。不論是夜收工，或午飯時間，你都可以抽時間做足一粒鐘。有時我會直接去『跑街』，換上波褲波衫及波鞋，就去跑，跑完感覺非常之『正』，跑完一小時，汗都停不下。」
■香港文匯報．人民政協專刊記者陳文華、李摯
|
