 放大圖片
■唐紫睿
香港文匯報訊 因為參與viuTV《G-1格鬥會》成為話題人物的唐紫睿（Hazel），日前上港台節目《有冇搞錯》受訪，Hazel透露因家庭成長背景關係自小養成獨立性格，小時候的她已好勇鬥狠，會跟其他細路打交，Hazel說：「我細個屋企環境唔好，幾歲時在託兒所長大，因為父母返工，我再大啲就在別人屋企寄養，由細到大都會同人爭嘢玩；我對落有兩個細妹，所以我好大家姐性格，有咩人蝦細妹就會出手，係有少少好勇鬥狠性格，覺得有責任保護身邊嘅人，但我記得細個成日被隔離屋個肥妹咬到流晒血。」
一年前仍是零運動的Hazel在接下《G-1》後，運動量由零跑到一百，高峰期每日練習五小時，箇中辛苦係攰、痛、暈、嘔、傷，相當慘烈，她說：「當時我係驚心臟負荷唔到突然休克死咗，心真係跳得好快，會暈，我經常性練習會嘔，因為玩BJJ（巴西柔術）同男仔攬埋一嚿，又流汗，好臭，又要翻來覆去，有時踢到雞心位、肚腩，真係會反胃。」
|
放大圖片
