|
香港文匯報訊 徐小鳳將於7月28日假紅館舉行個唱，今年小鳳姐大玩回憶，很想尋回1987年曾經在她的裙底爬出來的小朋友再共聚。
小鳳姐一話尋人，李克勤、陳慧琳、任賢齊、梁漢文等都出馬幫手，在他們的fan page轉發叫大家幫手找，24小時之後，據知已有5個小朋友主動聯絡緊主辦方，另外，當年幫忙安排小朋友上台演出的校長，都主動現身留言，稱當年因為怕小朋友疲倦，所以每晚都安排不同小朋友演出，會幫小鳳姐尋人。
記者聯絡小鳳姐，小鳳姐指反應熱烈，很開心，並多謝全港市民這樣幫手，「希望大家再繼續努力幫手，幫我搵返班小朋友，到時我哋一齊經紅館共聚下。」問小鳳姐當年一開騷就開二十幾場，如果每晚是不同小朋友，豈不有二百幾人，小鳳姐坦言：「我真係唔知有幾多個小朋友參加過1987年嗰次演唱會呀，剩係記得係方方幼稚園幫忙安排。如果真係有二百幾人都好呀，紅館坐萬幾個觀眾，一定坐得晒㗎！」
|
