 放大圖片
■雷頌德與宣萱是同學。
香港文匯報訊（記者 梁靜儀）宣萱昨日攜同愛犬到港台接受雷頌德（Mark）主持的《好好過日子》訪問，暢談寵物與人的生活關係。
前晚宣萱聯同李克勤、譚詠麟去捧Leon個唱場。廿二年前宣萱曾與Leon合作拍劇《阿Sir早晨》，問到當年Leon可有金句？她說： 「都係人一個，當時雖已是天王，但會一齊玩，又會車埋我，佢好有風度，我對佢有目的多過佢對我有目的。 」
Mark是Leon演唱會的音樂顧問，他昨日於網上分享了演唱會場地的照片，將整個核心的內、外圍都解釋得非常清楚，他笑指近日於場地周圍都聽到核心兩個字，覺得已經成一個用語，故和大家開個玩笑。他又謂自己音樂部分的工作已經完成，所以另一職責是要到「核心外圍」影相，他說：「睇核心外圍啲人點enjoy個騷，影場外市民野餐，原來碼頭伸出來嘅地方仲可以變舞池，見到市民好享受，都有少少淚光。」說到他們收少了錢會蝕？Mark反而覺得藝術應普天同慶：「有啲人付出到就可以近距離享受效果，無咁多錢的在外面欣賞都OK，呢個世代好多嘢免費共賞，估唔到有呢個問題出現，反而令件事普天同慶都未必係壞事。」對於Leon先前表示有意於沙灘開騷，Mark說：「講下啫，但相信佢搞得掂，我覺得場地上需要多些新鮮感，原本今次只係轉場地，點知轉咗咁多嘢出來，不過Leon都同我講好感恩。」
|
放大圖片
