 放大圖片
■陳美齡憑着堅強意志戰勝癌魔。
香港文匯報訊 母親節將至，育有三子的陳美齡感受最深。她接受《有線娛樂新聞》專訪，分享與孩子相處之道。
陳美齡曾患有乳癌，她坦言心情並不好過，「我患病期間最驚係睇唔到仔仔成長，我最大心願係見到細仔初中畢業。所以我每日同上天祈禱，祈求佢畀多五年時間我。」最後憑着她積極堅強的意志，成功戰勝癌魔！她特別感激患病期間對他不離不棄的丈夫和兒子：「我知道我患病時佢哋好大壓力，成日會驚媽媽突然走咗。所以我再辛苦我都唔喊，成日嘻嘻哈哈，笑面迎人，因為我知道我喊佢哋會更難過。」她又效法非洲婦女，百無禁忌地準備臨終禮物給孩子，「我當時幻想如果自己過身，三個仔仔點算呢？我希望留低美好嘅回憶畀佢哋，於是我準備咗三個盒畀三個仔仔，每一個盒都盛載住佢哋成長嘅經歷，例如有小時候嘅牙齒、一些相片......希望我走後佢哋唔會寂寞。」
陳美齡的次子盡得她的歌唱真傳，「二仔唱歌好好聽，又識寫歌，卻不肯畀我唱，佢中學時曾經有美國唱片公司搵佢入行，不過因爸爸極力反對，所以最後拒絕咗。」她對此大嘆失望：「人家係美國唱片公司，呢個機會好難得，如果我早啲知道一定會叫佢試吓，現在錯失咗大好機會，好可惜。」
|
放大圖片
