 放大圖片
■蔡思貝(右)與陳凱琳先後從澳門旅遊塔一躍而下。
香港文匯報訊（記者 植毅儀 澳門直擊）蔡思貝、陳凱琳（Grace）昨日現身澳門旅遊塔為公益金節目《萬眾同心公益金》「JUMP 高飛躍百萬跳」拍攝跳笨豬跳。《殭》前晚大結局，思貝自言是《殭》的粉絲，Grace於是鼓勵她若《殭》開續集時可出演，不過有「發電機」之稱的思貝認易招緋聞，如她出演將會與Grace的男友鄭嘉穎合作，她笑問Grace：「你驚唔驚先？」
蔡思貝與Grace先後從233米一跳而下，此跳由籌劃委員會聯席主席蘇聰捐50萬，而Grace媽媽全程陪伴在側及拍攝愛女跳姿。兩人跳完笨豬跳後接受訪問，表現十分high，蔡思貝表示想跳多次，Grace則表示跳一次就足夠，笑言可以贊助思貝跳多次，自己則在樓下飲住咖啡睇對方跳。問到Grace可會與男友鄭嘉穎一起跳，Grace立即say no ，但鼓勵蔡思貝和嘉穎一起雙人跳，聞言蔡思貝卻說：「鄭嘉穎見到我都唔say hi ，可能唔鍾意我。」Grace表示以前一直想跳，但家人不批准，而昨日媽媽陪伴在身旁，Grace說：「人一世物一世點都跳一跳，最驚是要自己踏出去跳下去，似送死，上到去好空白，有祈禱。」
講到劇集《殭》前晚大結局，Grace表示：「我同爹哋、媽咪一齊睇，結局好圓滿，個個條線都有交代到，好多人都估唔到結局去咗未來，最尾個景都係荷蘭，個景好靚。（在荷蘭係咪好多畫面？）係呀，好多畫面，好多回憶。」
想孖思貝演《還珠格格》
不少網民希望《殭》拍前傳或續集？Grace表示希望拍續集多些，因為如果拍前傳，自己繼續不懂講話。在旁的蔡思貝則搶着說：「我都想做殭屍呀，我在屋企成日同狗仔一齊扮殭屍。我係《殭》的忠實Fans，仲第一次上myTV追晒咁多集，睇完之後，鍾意咗謝安琪同刑活着（鄭嘉穎劇中角色）。」Grace笑說：「咁下集你做佢個妹啦。」蔡思貝大反應地說：「嘩，咁好大壓力喎，我同個個男仔都傳緋聞，你驚唔驚先？（所以咪叫你做鄭嘉穎個妹？）哈哈，我好勁㗎（指傳緋聞）。」
問到Grace可會游說謝安琪拍攝續集？她說：「我知她現在休息緊，我尊重佢決定，我覺得這些題材都係隔一段時間先再拍好啲。我心目中可以同蔡思貝拍《還珠格格》，我做金鎖，即范冰冰的角色。」蔡思貝反問說：「金鎖？乜你咁偏，我以前淨係識趙薇同埋林心如。」
|
放大圖片
