■1989年，史立德於華彩集團深圳廠房開幕留影。史立德離開學校即入印刷廠當學徒，熟習各種工序，「紅褲子」出身的他，憑着「唔認輸」的個性，創立華彩集團，30多年來堅持只做印刷包裝，時至今日，仍在不斷思考，如何將香港優質印刷包裝推向世界，為香港工業家爭光。令人欣慰的是如今「華彩印刷」已是眾多奢侈品的御用印刷包裝商，國際名牌化妝品、名酒、手機及朱古力等均為「華彩」客戶。
回望創業艱辛路，史立德仍記憶猶新，他說︰「我哋呢一代都係比較困難，生活上各方面都不如現在，好年輕就要出來工作，捱世界。當年社會唔同依家發達，讀完書嘅出路無而家咁多，畢業後希望有一技傍身，當然都希望日後可有一番事業。」
史立德笑說︰「依家你睇我好啫，但我捱嗰陣時你都唔知，我哋創業都係有血有淚嘅，從朝早8點做到夜晚10點，仲要加班又要返夜校。」
工傷失三指 醫護鼓勵重生
年輕時的史立德幹勁十足，雖然每天要長時間工作及學習，但仍對前景充滿信心。然而一次工傷，差點令他失去人生目標。他工作時不幸地手掌被捲入印刷機，血肉模糊，痛不欲生。在伊利沙伯醫院急救，因當年醫術有限，三隻手指無法接駁。
「當時心諗，咁就一世啦！好灰心，但身邊嘅姑娘（護士）不斷安慰話：『唔使驚、唔使驚，會好返』，瞓咗幾個星期（醫院），睇吓傷口邊度唔得又要切，前前後後做咗幾次手術，住院長達3個月。當時仲未夠20歲，感到前路茫茫，好傷心。所幸遇到醫院裡嘅姑娘好好人，佢哋好關心我，一直喺度鼓勵我、安慰我，令我好感動。」
他憶述：「人喺困難時，得到別人嘅幫助同鼓勵，印象會好深刻，這好重要，會影響你一生。今天我有能力，亦喜歡幫人，都係受當年醫院裡面姑娘嘅影響。」
獲妻出錢撐外闖
手部受傷後，史立德即轉行到製衣寫字樓做文職，10年後製衣業不景，公司倒閉，他失業了。這時受做印刷的兄長影響，史立德想不如趁年輕出來闖一闖，「當時太太有打工，攞十幾萬嚟支持我，1984年，開了間印刷廠，一賺到錢就去買機器，不斷擴大生產，生意不斷擴大。我一開始就優於其他印刷廠，提供『一條龍』服務，即一個包裝盒嘅『磨、裱、啤、黏、運』一次過搞定，這喺當年極少有。」
做了3年多，公司遇到勞工短缺，請人難，印刷機又大又長，再擴大就難租到廠房，且很多客戶都已北上。終於在1988年，公司也上深圳設廠，「差唔多用咗一年時間建廠房安設備，當時心裡好害怕，不知內地的政策會唔會改變，幸好（內地）繼續保持改革開放。」
成品當藝術品吸海外客
他強調︰「工業係一蚊一蚊賺返來，需要一份堅持同耐性，如果我將賺到嘅第一桶金拎去炒地炒樓，就唔使做到好似而家咁辛苦。」
多年來史立德秉承「人無我有，人有我優，人優我轉」的理念，專注包裝印刷業，走在業界最前端，「落重本」購入德國最好的機器，將每件包裝盒當藝術品來做，客源始終保持本地及外國客戶兩條腿，目前本地客戶生意大減，他則搶佔國際客戶，且海外客戶愈做愈多，高端品牌客戶多了，令產品愈做愈靚。他笑言：「今年公司的目標是降低成本，更多用機器做，令產品更靚更具競爭力。」 ■香港文匯報．人民政協專刊 記者 邵萬寬