■史立德（左二）與妻子及子女，齊齊出席賽馬活動。史立德十分注重健康，工作再忙，周末亦會抽時間打乒乓球及游泳。而身兼馬主的他，講起「馬經」即一臉興奮：「跑馬可以小博大，唔會輸死人；第二個好處就係跑馬相對高尚，馬主多為政商名流，係個唔錯嘅交友平台。」
史立德做了多年馬主，現與家人名下擁有7匹馬，於賽馬日時常在馬場見到他，更被誤以為他時常贏馬。他笑道：「因我隻隻馬名都差唔多，只差前面的字，都叫『××先生』，其實跑贏嘅唔係同一匹馬，係錯覺。」
他憶述，自己第一次做馬主是做仁濟醫院的團體馬。此後便愛上賽馬，更自己做馬主，第一隻馬以「盟主」命名，怎料「盟主」沒贏過賽事便退役，亦有馬匹在賽事中跑瘸腳，要人道毁滅。
他笑稱︰「每樣嘢都係要經過艱苦，所以有一句話『沒有付出，哪有今天』，英文叫做『No Pain No Gain 』，邊有不勞而獲呢？」
他坦言：「養馬只係表面風光，就算贏馬都返唔到本。」話雖如此，一講到拉頭馬，史立德即「笑到見牙唔見眼」，好享受拉頭馬的興奮一刻。
他稱作為商人，養馬可做一種商務應酬，自己有馬出賽，即會招呼朋友入馬場，放鬆享受吓，尤以外國客戶更為喜歡。
說到做馬主的「威水史」，史立德對「好先生」讚口不絕，在多場大賽中勝出，更代表香港參加澳洲最富盛名的「墨爾本盃」，是南半球賽馬獎金最豐厚的經典大賽。
對養馬甚有體會的他稱，贏馬需要多方面配合及部署，包括馬匹的質素、操練、騎師和路程等因素，最重要是馬匹本身是否有鬥心。
他亦以賽馬中領悟出「鬥心」作例，教導子女，「做好一件事要有鬥心，無心戀戰唔會輕易成功。」 ■記者 邵萬寬