被恥笑「廢物一樣」的「人民力量」，以及「一路走來，始終唔得」的社民連，為了今年立法會換屆選舉而結盟，並於早前「眾志列陣」，排出參選名單。不單被一直與「人社」不和的激進「本土派」冷嘲熱諷「兩堆垃圾掃埋一堆都係垃圾」，就連「人社」支持者也不看好，對兩黨排陣有意見。有人估計，根據兩黨目前部署，社民連將成為是次結盟贏家。看來，一加一並非等於「三」，最有可能的是等於「一點五」，最終互相消耗。 ■記者 羅旦
「人社」早前宣佈結盟，並公開參選名單，新界東「長毛」梁國雄及「慢必」陳志全將分開兩張名單參選；新界西一張名單則由社記「村長」黃浩銘排頭位，「人力」議員「大嚿」陳偉業排第二為對方抬轎；九龍東由「快必」譚得志「領軍」；社記主席「行人路大將軍」吳文遠參選九龍西；港島區則由「141」劉嘉鴻（劉在參加2011年區議會選舉時僅得141票）領軍，袁彌明排名單第二。
袁彌明懶理「忠言」死要選
「人社」列陣引起了網上不少議論，就連其支持者都對港島區參選組合也有意見。網民「Herman Tse」說：「袁彌明，唔好選，求下（吓）你！好深刻的一次，區選佢輸咗，佢當住傳媒講：『明明一直以來投票率愈高係對民主派愈有利』，然後擺出一副不忿、疑惑的樣，對結果感到不解rather than（而非）反省自己，作為『人力』支持者，果（嗰）一次佢的表現真係好（令人）失望。」
所謂「忠言逆耳」，袁彌明即時留言死撐稱，她當時說出這句話，「是要指出海怡西（有人）種票。當日你知道有幾多旅遊巴入黎（嚟）海怡嗎？你認為一年內有1,200個人搬入海怡嗎？」「Herman Tse」即「秒殺」道：「1,200人搬入海怡，但對家贏你七百票，所以係種票；仲有500票，流（留）係（喺）你度，係咪你種票？你可唔可以話1,200人全部都係種票？如果種票屬實，願你上訴得直。簡簡單單，我expect（預期）的politician（政治人物）係先反求諸己！」
網民恥笑袁幫自己賣廣告
看袁彌明連扮謙虛也費事，對支持者「忠言」也要死撐，難怪這麼多人不看好「人社」的表現。網民「Edward Ho」在自己的fb恥笑道：「『人力』在港島搵141排頭袁彌明排第二，堪稱今次立法會選舉最有智慧既（嘅）出選策略！」「Kam Nin Lee」留言稱，「劉翁（嘉鴻）上次，（指為『人力金主』的）蕭若元向選民下跪也勝不出！」
「ArTing Lam」留言指：「袁彌明唔係的起心肝做佢檔（化妝品）生意好耐啦咩，點睇都穩陣過同班傻×搏（博）入局。」「Chucky Kam」則稱，「我覺得佢地（哋）都知自己選唔到，志在整死（激進）『本土派』only（而已）。」「黃偉傑」則突破盲腸：「其實袁小姐都唔想選，佢只係想做生意。」「Edward Ho」也附和道：「港姐（袁當年參選過香港小姐）當為自己生意賣廣告。」
支持者嘆餓鬼爭食 長毛留低
除了港島區，新界東組合也引起不少討論。「李路仁」在網上留言指：「局外人表示：社記大嬴（贏）家。」他解釋：「新東長毛果（嗰）席保得到，慢必未必夠票拎埋果（嗰）席；新西夾硬保到村長隨時大舊（嚿）又係高票敗選，村長自己出黎（嚟）選拎唔拎得反（返）選舉按金，心照啦；九東快必求拎返選舉按金好啦；九西大將軍有d（啲）窄，你叫返佢出馬路先啦......」
「Pui Lam」留言同意：「長毛最大機會贏返果（個）位。其他就勝算好低。如果這樣排在上次可能偷到雞。但今年九月多了好多人去選，（激進）『本土派』同『熱普城』。仲有『傘兵』同『學民仔』（『香港眾志』）也好難勝。選民有了好多人選了。『人力』同社民連真係要這樣排一定好危！」「李展佑」也說，「長毛唔退，慢咇（必）好可能會輸。」