當胡森上周日贏番隻「威勢之寶」之後，此廄季內頭馬數字總算達到雙位數，即係有十場頭馬成績，而德國籍練馬師孫達志目前仲係得九場頭馬，剩番三次賽事，睇嚟護級機會越嚟越渺茫。不過，話晒牌照委員會無話即刻唔俾牌孫達志同埋胡森，所以如果贏多幾場，到時只係差少少先至夠數，或者唔係無數講。但無論如何，孫達志點都會喺最後三次賽事盡地一煲，當中佢就對八歲老黃忠「名駒」最為緊張，周一除咗安排呢匹馬出草地試跑，翻查呢匹馬上次跑泥地一哩輸條街，但今次重返季內曾贏馬的田草千四米，擺明要重啟勝門，可以講戰意一層不用懷疑，值得大家作為冷門博。
資料速遞：名駒搏到盡無保留
2016-06-30
新聞排行
新聞圖片