獨有消息：知道勝趕季尾開齋

呢個禮拜一，原來係沈集成五十六歲壽辰，生日前一天，憑「快樂寶貝」同「曦世之寶」起孖，提前賀牛一。據聞呢次七一日賽，此廄又有惡馬上場，就係隻「知道勝」，隻馬近期下午密密做工夫，呢兩日都見佢拍廄侶「華麗傳奇」�鬖a堂踱步，「知道勝」雖然低「華麗傳奇」一班，卻受到副練丁冠豪重視，經常親自打磨，論近態「知道勝」明顯勝「華麗傳奇」一籌。上場隻馬由蔣嘉琦騎，不敵「路路發」，畢竟後駒有班底，「知道勝」跑輸冇得好講，今次馬房決定再次用番嘉琦妹上陣，當然係希望隻馬能夠減輕七磅增加贏馬機會，因為「知道勝」本身唔算係匹大隻馬，上季仲只係一隻九百多磅馬，呢季叫做長番�囍蛂A經常保持過千磅，今次趁住隻馬仲�鬗j勇水準，決定用嘉琦妹搏多鋪，希望可以初嚐贏馬滋味。

讀文匯報PDF版面