去年暑假喺日本客串並且取得好成績嘅潘頓，今個暑假唔會再去，潘頓表示，今個暑假主要是休息，煞科後與太太及女兒將會前往歐洲旅遊，由於暑假冇策騎，所以會注意飲食，不會令體重增加太多，以免返港後要減磅而影響季初嘅成績。
剛戰在泥地三班一六五○米表現一般嘅「方程式」，今仗移師谷中出戰千八米，潘頓表示：「雖然隻馬已經七歲，但仍有一股頑強嘅鬥心，所以經常有接近嘅表現，而隻馬嘅性能廣泛，泥草均適合，剛周五在泥地未有好表現，不是由我策騎，但看過賽事片段，可能受到碰撞，途中一度失去平衡而影響發揮，期望今戰在我胯下可以順風順水，取得好成績而回。」
季內出賽五次，在潘頓胯下雖未能勝出，但取得三亞一季成績嘅「好人好事」，剛戰在四班谷草千二米首次角逐而跑得季軍，今仗在同程再上陣，潘頓說：「隻馬嘅質素唔差，目前四歲仍有大把進步空間，在四班是有優勢，上仗初跑谷草，原本機會唔錯，可惜排在外檔有點不利，出閘後需要耗力搶在較前位置，以致末段乏力，今戰檔位轉好，應該有機會贏馬補中。」