未知是否因為幫助傳統反對派配票的「雷動聲吶」，其數據已經冇人信，早前一起玩殘有關計劃的激進「本土派」，現時已轉往斟酌「雷動計劃」的其他問題。「熱血公民」（「熱狗」）「皇后」陳秀慧昨日就在facebook發帖，以《〔無法無天 雷動計劃〕視版權如無物》為題，批評「雷動」用LINE的公仔去畫圖為「雷動」做宣傳，「一班無常識，無視法律既（嘅）人，話帶領選民聰明選擇喎。你地（哋）唔好去死？」 ■記者 甘瑜
繼早前親激進「本土派」的仇思達呼籲市民一起在「雷動聲吶」中投票「造王」、令墊底者也分分鐘可以攞兩席之後，「雷動聲吶」的統計數據基本上已沒有參考價值。不過，幫傳統反對派（𠝹）激進「本土」的票，方丈又點會咁易放過你？即使數據唔再好玩，其他問題依然可以玩殘你。
用「LINE」公仔解說選情
陳秀慧昨日就在fb發帖，內容劈頭就說︰「『雷動計劃』企圖操控選民投票，已經無法無天，但最核突係想挑戰法律都挑戰得聰明啲，有腦啲丫（吖）。搞到又無腦又唔聰明，你想號召啲咩人聽你地（哋）講？」
原來，「雷動計劃」的fb專頁日前貼出一幅解說圖（見圖），當中用到「LINE」的公仔包括「Cony兔兔」、「Brown熊大」、「James詹姆士」及「莎莉（小雞）」等，去解釋何謂贏硬、穩定、告急及棄保，並藉此「教」大家投票。
陳秀慧質問道︰「唔知幾時佢地（哋）買咗『LINE』版權幫自己宣傳佢地（哋）既（嘅）『雷動計劃』呢？之前『聰明選民』做啲犯法嘢，佢地（哋）啲搞手出黎（嚟）幫戴耀廷護航，話『聰明選民』唔關戴耀廷事。但今次出POST（帖文）既（嘅）係『雷動計劃』，無得話唔關戴耀廷事喇掛（啩）？」
她將矛頭指向戴耀廷：「喂法律教授，你地（哋）可唔可以解釋下點解你地（哋）可以咁樣偷有版權的公仔去做『雷動計劃』宣傳？一班無常識，無視法律既（嘅）人，話帶領選民聰明選擇喎。你地（哋）唔好去死？」她同時在帖文最後加上《選舉舞弊條例》的標籤（hashtag），並標籤了「LINE」的香港、全球及韓國fb賬戶，希望官方處理「雷動」疑似偷版權一事。
諷戴法律教授是否「呃返嚟」
不少激進「本土派」支持者都紛紛留言「加多腳」，也有網民貼出「雷動計劃」其他疑似侵犯版權的證據。「何文駒」就說︰「去LINE度port（投訴）佢先。」「Ivy Wong」亦說︰「留名等睇人×街。」「Max Law」問道︰「佢個法律教授是唔是呃番（返）黎（嚟）......？」「夏霽」則揶揄︰「可能係『公民抗命』呢？」「Kelvin Yip」則說︰「留名睇一陣畀（俾）人告又話政治打壓。」「陳亦輝」補刀︰「點解做『聰明選民』，要成日犯法？」