■阿Sam與途人交流。香港文匯報訊（記者 梁靜儀）歌神許冠傑（Sam）近日頻頻出動為十月假紅館舉行的個唱宣傳，昨日又化身區議員坐開篷巴士到尖沙咀宣傳，吸引逾百粉絲和途人等圍觀，阿Sam更即場大唱金曲，原定安排阿Sam落車派發紀念品，但因群情洶湧而取消環節，只好改為在車上派扇給觀眾，歌迷爭相搶奪，最後阿Sam唱足廿分鐘才離開。
昨日阿Sam乘坐開篷巴士由紅館出發到尖沙咀宣傳，而兩名兒子許懷欣、許懷谷、契仔林宏龍、大名娛樂老闆林建名及何傲兒等人組成的「助選團」亦有到場幫手宣傳，沿途吸引不少途人舉機拍照，阿Sam亦在車上大唱《半斤八両》、《有酒今朝醉》等多首金曲，途中見到靚女，原本唱緊《尖沙咀Susie》的他，即改唱《Pretty Woman》。之後巴士停泊在海防道，現場已聚集了逾百歌迷，越唱越high的阿Sam又讓歌迷即場點唱。原定安排阿Sam落車派發紀念品，因群情洶湧迫於無奈取消，只好改為在車上派扇給觀眾，歌迷爭相搶奪。又有歌迷將手上的豹紋星星拋給阿Sam，最後阿Sam唱足廿分鐘才離開。
出發前阿Sam接受訪問，他表示今次是首次落區宣傳：「未坐過呢架巴士，所以好恨去上面玩，會喺上面夾好多歌，（落去搵尖沙咀Susie？）係呀，睇吓搵唔搵到，會落去派紀念品。」昨日天氣炎熱，但阿Sam卻稱不怕熱：「最緊要好玩，（鍾意同歌迷近距離接觸？）係，所以今日好enjoy，(不怕多人混亂？）唔怕，安排晒。」對於有fans錫了他一啖，阿Sam亦見慣不怪：「有呀，唔緊要，習慣咗，我都會主動獻吻，（錫返fans？）會，一家親，會全部招呼佢哋。」他謂落區主要是想收集民意，調查大家想聽什麼歌。
何傲兒着穿窿短褲
問到可怕會有瘋狂粉絲？阿Sam笑說：「有時有㗎，見招拆招，（遇過最瘋狂粉絲係點？）六十年代有好多書院女拉住我隻腳，成個拉我落台，現在呢啲小兒科。」談到演唱會進度，他透露已開始開會、排舞、揀衫等，問到屆時會否騷腹肌？他笑說：「可能會，日日狂操，仲有兩個月，暫時有四嚿。」
掛上紅色彩帶出任助選團的何傲兒，穿上一條短牛仔褲，褲側邊有三個大圈，當林建名到場見到她時，即忍不住低頭望，令到何傲兒怕醜用手遮住窿窿。問到何傲兒有否打底？她故作神秘說：「唔話你知。」