■湯愛嘉聯同孖仔弟弟湯君慈和湯君耀行騷。香港文匯報訊（記者 梁靜儀）廖碧兒、梁祖堯昨日出席手錶品牌活動，擔任星級主禮嘉賓的二人更獲贈手錶，同場還有「星二代」黃芷晴、湯鎮業大女湯愛嘉（Isabella）、一對孖仔湯君慈和湯君耀行騷。
湯鎮業大女湯愛嘉（Isabella）昨日聯同一對孖仔弟弟湯君慈和湯君耀行騷，但三人都表現得有點生硬又走錯位。Isabella表示因為是首次行騷，心情有少少緊張，但有弟弟陪住就安心一點。對於有傳酬勞有五位數？Isabella說：「我唔知，（比岑麗香更高？）自己滿意就得，（以後多接Job？）自己啱啱畢業都想試試做幕前，睇吓有冇興趣，未決定係唔係入行。（爸爸可支持你？）冇要求，冇管制，我鍾意都會支持，（搵爸爸搭路？）如果有需要佢都會幫我。」
有出騷經驗的湯君慈和湯君耀，坦言仍然怕醜及未夠經驗。問到爸爸有何提點？他們笑說： 「佢話要講多啲嘢，出多啲大場面，對自己要有自信，我哋成日都同自己講。」
說到近年不少星二代入行，可怕會有比較及多競爭？Isabella說：「唔會，每人都有優秀嘅地方，唔使比較，星二代每個都有長處。」谷胸上陣的黃芷晴就異口同聲說不怕比較。
廖碧兒美國買地釀酒
穿上吊帶露背高叉長裙的廖碧兒，透露近日正忙於在內地拍網劇《無間道》，劇中飾演咖啡店老闆娘，與羅嘉良飾演一對。她表示收到劇本時感到好刺激，問到是否有床上戲？她笑說：「唔係，咀戲已覺得好刺激，我係要畀人困住同要坐監，以前未試過呢種角色。」她又大讚首次合作的劉松仁很有型，對方一行入門口已很驚，可震懾場面。她謂大家經常會一起研究劇本，感情好好。她謂拍完劇集後會休息一個月，之後就去美國買地釀酒，問到投資多少錢？她笑說：「八位數以下，但就要好細心揀地方。」