■袁偉豪和岑杏賢首次以情侶檔身份出席活動。香港文匯報訊（記者 梁靜儀）袁偉豪（Ben）和女友岑杏賢昨日首次以情侶檔身份出席剪綵活動，二人表示對酬勞感滿意，女方更笑言不會拒絕亦不介意情侶檔工作。對於近日盛傳Ben求婚成功，對此，二人澄清暫時沒有結婚計劃。
袁偉豪被問到是否儲緊老婆本？他笑說：「慢慢嚟啦，今次可以一齊出席活動，又有幾滿意收入都幾開心，（所有收入給女友管數？）我哋財政暫時仲係獨立，我比較慷慨，送畀女友梗係無問題啦。（請女友旅行？）會㗎，之前去咗溫哥華，但嚟緊有工作要出年至有機會。」不過岑杏賢就表示對數字管理很差。
近日有傳阿Ben與女友去溫哥華旅行時求婚成功，對此岑杏賢澄清去溫哥華只是旅行，她說：「唔知點解我哋返咗嚟之後，就有一個求咗婚，接近結埋婚，連我哋都唔知道，絕對無呢樣嘢，暫時亦冇結婚計劃，男友工作都忙到明年二月，結婚隨緣啦。」阿Ben亦稱會以工作為先。問到他打算什麼時候娶女友？岑杏賢笑說：「呢個問題問得好，佢已經出晒汗。」阿Ben說：「多謝大家關心我哋，亦因此呢兩日收到好多朋友祝福、求證，真係有呢日，會搵個方法同大家宣佈。」岑杏賢表示有很多朋友以為是真，唔使派帖都咁踴躍，我哋係好開心，但我哋都同佢哋講返唔係真，但佢哋都祝福我哋，結婚隨緣啦，有時太快去諗對我哋都有唔少壓力，（想幾多歲結婚？）最緊要男士工作為主，大家覺得舒服自然就一齊。」
杏賢撐千雪攻讀法律
另外，有指其好友朱千雪打算做律師退出幕前，岑杏賢說：「一直知道佢鍾意法律，身為好朋友一定會支持佢，知佢好努力去讀，始終讀法律唔容易，希望大家唔好畀太大壓力佢，聽聞佢會繼續拍劇。」