■關楚耀與陳靜首次合作。香港文匯報訊（記者 梁靜儀）關楚耀（Kelvin）、陳靜（DaDa）、孫耀威（Eric）與女友陳美詩(Macy) 、林家棟及葉佩雯等，前晚到尖沙咀出席電影《此情此刻》首映。
戲中Kelvin與DaDa飾演情侶，最印象深刻拍一場鬧交戲，他被DaDa潑咖啡：「佢一個眼神厲住我，嗰刻真係有啲驚，嗰個眼神令我發噩夢，金像獎女配角唔係浪得虛名。」
DaDa表示戲中她與Kelvin會由學生初戀，演至踏入社會，最親密的戲份只是拖手，但認為感情上的親密已超越實際的親密。問到Kelvin沒有親熱戲可會失望？他笑說：「有㗎，應該要拍長啲，因為今次四個故事同時發生，希望下次拍耐啲，今次唔夠喉。」他又笑指拍攝的時候對Dada有feel，但拍完收工就發噩夢。
Eric表示戲中飾演賤男人，經常帶女伴回家，又經常被極度性感的女仔圍住，但他不會把持不住，因見慣大場面，事前亦不用向女友備案。問到女友睇完戲可會問？他說：「唔會，會叫我到時叫個女仔要主動啲，佢自己都鍾意睇情慾片，即係到位嘅戲。」他也覺得有時借位拍親熱戲，做演員都覺得假，又怎會有說服力呢？所以拍這類戲某程度上要幻想鍾意對方：「錫及攬嗰吓才會有力，當然有經驗演員一Cut機就要連靈魂都Cut埋啦，唔可以沉醉落去，否則就大鑊。」說了結婚多年的Eric，被問到結婚問題，他只表示將來有好消息一定會公佈。