■黑板牆可貼生活相變成「回憶牆」。值得一提的是，兩間細房與主人房之間的間隔牆，均變成以衣櫃去代替，令主人房的空間感更大。主人房則貫徹整個工業風的格調。Steve說：「主人房用咗白原木的釘板分隔開睡床與書房空間，木材加泥水牆紙，有種好Raw的效果；主人套廁亦拆掉間隔牆，與主人房之間以鐵線玻璃門隔開，都係想有返個工業感覺，亦可以更通光，空間感再大啲。」
單位內就連兩個洗手間亦用上工業風，黑色的吊燈，內置鎢絲燈膽，仿泥水的石牆，天花頂整個噴黑，加上水管的風格「有種Metal（金屬）同原始的效果」。
黑板牆貼相 方便又溫馨
Steve笑說：「其實開頭只係想個廳做工業風，間房唔係，後來業主睇咗3D圖，發覺都好靚，所以想主人房都做埋，將成個效果都帶入嚟。」問到這樣的裝修花費多少，他表示，業主的總花費50多萬元，其中用在設計、泥水油漆、木工、傢俬大約36萬元（未計代購、清拆、水電等）。
單位還有不少細心的地方，好像入門口左邊的大幅牆身，設計師將其變身做一個黑板牆，給小朋友畫公仔寫字，亦可以貼生活相做「回憶牆」，「佢哋有好多生活照，都提過搵個地方放，藍色幅牆的相框都唔夠用，黑板畀佢哋可以搣同貼，寫嘢又可以」。誰說工業風只適合單身貴族或潮人？懂得設計，工業風融入家中，更加實用之餘又美觀。