在上周末國慶日賽事，郭能憑「王者再現」贏得今季第五場頭馬，成績唔錯。但賽後他離開馬場時有點唔開心，郭能表示，因為策騎「新力風」出戰國慶盃受到嚴重擠阻，馬兒需要勒避而失去步韻，差點墮馬，非常危險，若非有意外隻馬是有爭勝機會。
今次夜賽郭能八場均有坐騎，而在快活谷千二米有好表現嘅「電子群英」，今仗在同程作季內首戰，郭能再策騎馬兒出賽，他說：「馬匹嘅質素其實唔差，可惜腳部曾有問題而影響進度，目前健康受到控制，較早前策騎在泥地試閘，走勢唔錯，以現時狀態在今戰力足與對手一爭，希望到時可贏馬而回。」
於快活谷千二米得一亞四季嘅「星際武士」，剛戰在同程角逐表現未如理想，今仗舊地重遊，郭能說：「上仗賽前練馬師已為隻馬做好操練工夫，但陣上未能有好演出，有點失望，可能當日在黏地角逐不適合發揮，而且途中又有意外，賽後復課狀態進一步提升，並於泥地試閘有甚佳嘅走勢，希望今仗在表現準繩嘅快活谷千二米角逐，陣上沒有擠阻，交出水準嘅話，是有機會在前列歸來。」