■王君馨香港文匯報訊（記者 植植）身穿低胸白色連身裙亮相的王君馨（Grace）聯同蘇志威出席「時尚煲呔賽馬日」媒體發佈會。問到平時會否幫男友Daniel打煲呔？Grace透露男友不打煲呔，打領呔為主。
二人拍拖逾十一年，男友希望由美國轉來香港工作多見面，Grcae說：「之前拍劇成日病，我有講過想成日見到佢。但現在發現佢喺度我唔可以集中讀劇本，咁大家一年見兩、三次，梗會想多啲時間陪吽A但我需要一個人嘅時間先可以集中睇劇本，我中文程度需要好集中（睇劇本），見到佢會冇咁集中，想佢快啲走。」Grace熱愛娛樂圈工作，暫時沒打算放棄工作嫁到美國，她說：「我愈做愈熱愛呢份工作，尤其做演員的角色好有新鮮感同挑戰，如果要我返朝九晚五對住啲文件會好悶，到時會諗點解要放棄。」