■黎瑞恩努力綵排。香港文匯報訊（記者 梁靜儀）李司棋與黎瑞恩（小恩子）昨日為「耳愛傳聲」《 11載慈善演唱會2016 》進行綵排，二人並與林建煇醫生合唱。
司棋姐當晚會唱5首歌，有獨唱及合唱。她自嘲唱歌比較笨，今次也是臨急才練歌，以前一直覺得自己唱歌不行，直至2000年腳傷在家休養，除寫字外就是練歌，才發覺自己唱歌原來轉到key，感覺如獲至寶。不過她並沒有登台癮，只要接了工作就有奮鬥心要交足功課，但不會因此而失眠。
最近復出的小恩子透露剛於8月底灌錄了一張發燒碟，之後送去韓國做混音，再運去德國印碟，希望今個月底推出。久未出碟的她又說：「之前我問過唱片公司高層使唔使做宣傳、使唔使減肥，佢話當然唔使，我先應承出唱片，我好怕影相。」
早前小恩子與富商鄭應南傳出緋聞，問到其另一半是否支持她復出？小恩子反問：「邊個另一半？唔好截我米路。（曾志偉介紹你識嗰個？）大家一齊識，係朋友，我有80%都係男性朋友，我成日一個女仔同7個男仔去打波，有乜咁奇怪？朋友唔係男就女，如果我成日同女人一齊，又話我同性戀。」
提到關淑怡日前傳出疑因被男友飛而跳海自殺，小恩子說：「嗰日有打畀佢問佢有冇事，佢喪笑話『癡線咩？神經咩？梗係唔係跳海』，我就話『冇冷親就得啦』。」對於關淑怡近年行為異常？小恩子叫大家不用想太多：「有啲人都覺得我傻傻哋，別人笑我太瘋癲，我笑他人看不穿，每個人都有唔同性格，希望佢開心。」