上次「巴基之星」圖爭取三出三捷輝煌成績，點知遇上「威力川」突然神勇，中段踩油放甩晒，搞到「巴基之星」追唔切，睇呢場賽事，無論馬會又好，馬主又好，都好渴望呢隻馬能夠勝出，因為佢個跑法好特別，一定輸在起跑線，但可以贏在終點線，而馬主更比喻佢係獅子山精神，希望可以代表到香港人嗰種毅力，上賽雖落敗但事後主理人表示，隻馬仲年青，有大把上升空間，俾啲時間呇赤齱C
馬會似乎亦好認同「巴基之星」將會係明日之星，贏兩場經已同佢出紀念版公仔俾擁躉購買，由於有馬會大力宣傳，所以唔少馬迷都份外留意呢單嘢。而有人更將隻「幸運如意」（圖3號）公仔攞出來作比較，後者目前六捷，更有機會成為香港短途王，但馬會同佢出咗隻公仔都冇乜宣傳，情況與「巴基之星」大有雲泥之別。
其實馬會替賽駒出公仔，佢係老闆，同邊隻馬宣傳又有乜所謂，反正錢蝕晒都係馬會，正所謂十隻手指有長短，剛巧「巴基之星」咁犀利，更成為紅透網絡嘅明星馬，包括外地馬網，馬會食住上都有佢道理。有句好好嘅俗語，機會係留俾經常有準備嘅人，好似呢次周日賽事咁，「巴基之星」與「幸運如意」齊齊有份出賽，但前者號召力經已大不如前，反而「幸運如意」，一講到跑馬會短途錦標賽呢場，大家都會對「幸運如意」重視，隻馬經已代替「幸福指數」，變成短途賽中嘅擂台躉。
馬會有冇特別為「幸運如意」喺周日作出宣傳就唔知，但好肯定即使呢次賽事，會方冇乜特別提佢，去到跑國際賽嗰日，「幸運如意」必定成為港爭光主角。其實要博宣傳，最緊要本身有號召力及實力，「幸運如意」周日贏埋呢個馬會短途錦標，相信國際賽嗰日，佢個紀念版公仔唔賣到斷晒市都難，咁又何需介意馬會幫唔幫手宣傳呢？