資料速遞：巴基之星全力搶分

2016-11-18

拍賣會馬「巴基之星」之前千四米輸俾「威力川」得第二名神話破滅，早排報名跑二班千四米又被列為第一後備，認真黑仔。不過上次報名做後備都叫拎到個保護權，報名跑本周日嘅二班千六米賽事自然無驚無險列為正選啦，各位馬迷周日又有機會一睹「巴基之星」嘅風采喇！「巴基之星」一直被認為跑長啲會更好，而練馬師告東尼亦都安排呢匹超新星喺今戰增程跑千六米，相信有唔少馬迷都會期待呢匹星球馬可以再一次「輸在起跑線，贏在終點線」，直路咁樣一條氣在大外疊殺上掃晒，真係認真夠晒震撼囉，何況呢匹馬已報名今年國際賽香港一哩錦標，可想而知幕後幾咁睇好隻馬嘅前景。