資料速遞：神電金剛重振雄風

2016-11-18

蘇狄雄十月八日泥地賽事中騎「銀豐神駒」墮馬受傷，直至日前馬會就發咗公告話蘇狄雄體檢過關，打算本周日就開始接受策騎聘約。既然蘇狄雄要準備上陣，話晒都叫休息過一段時間，最好梗係試吓閘攞番啲陣上感覺先啦。所以剛周二兩課沙田泥閘，師父何良俾咗「威先生」同埋「大將風雲」佢試閘，結果「威先生」只係輸俾「快無極」半個馬位喺第二組試閘中跑第二，總算係有個好開始。周日蘇狄雄復出有唔少支持，分別是「享耆成」、「天胆」、「大運舞台」、「紅駿之星」及「神電金剛」，較為睇好隻有實力嘅「神電金剛」。