■陳先生認為：「一句講晒，揸磚頭好過揸股票」。 記者張偉民 攝花旗銀行早前調查報告指，近七成父母願意為子女首次置業提供經濟援助，支持金額中位數為35萬元。昨日啟德1號（II）售樓處就出現「成功靠父幹」一幕，有廿四孝父親遠超上述中位數，支付500萬元首期為子女上車。有傳媒打趣地問，買樓是否要先有個富爸爸，當事人笑言：「要識投胎」。
陳先生昨日同仔女一齊揀樓，成功以45號籌入市啟德1號（II），以約1,000萬元買入兩房單位自住。
他指，單位以子女的名義買，因自己本身已有物業，買多間要付15%印花稅，暗示自己幫子女付首期說，「諗都諗到啦」。他並稱只做一半按揭，首期付500萬元，但層樓就由他們自己供，月供兩萬以下。
勸記者置業「趁早」
對於新一代買樓困難，他說，「一句講晒，趁早」，又指從來不擔心樓價會跌，並奉勸在場各位年輕記者，買樓要快手，尤其趁後生，否則蝕底只是自己。「我同你講，我20幾年前第一次買樓50萬起，一句講晒，揸磚頭好過揸股票」。
他又建議，年輕人可以買間一房先，先賺取第一桶金，否則連第一桶金都唔賺，點樣再起步。
低息供樓「幾幸福」
他透露，自己買過四次樓，由一房換到四房，曾蝕過一半。講到加息，他就話，以前十幾厘息都照供樓，現時利息僅兩厘多，「好濕碎，你睇你哋幾幸福」。而最重要的，就是當買樓後人便會畀心機工作，變得有責任感，「早啲唔hea，幸福就係自己」。
同場另一位成功購入物業的田女士表示，單位嘅籌好難抽，斥近1,000萬元購入2房單位。她坦言：「樓價貴，但冇辦法，因為要自住。」
■記者 吳靜儀