■陳展鵬獲粉絲送上巨型視帝蛋糕。香港文匯報訊(記者 梁靜儀) 陳展鵬前日(14日) 四十歲生日，其「陳展鵬官方國際好鵬友大本營」近四百名粉絲，為他於尖東一酒店內舉行生日會，當晚筵開三十席，會上展鵬與一眾粉絲齊齊切視帝獎座生日蛋糕，又影大合照，場面熱鬧。談到生日願望，展鵬表示希望今年能舉行迷你演唱會。
展鵬受訪時，談到生日願望，他說：「年年都希望世界和平同身體健康，因為上年都好辛苦同好吃力，之前應承過Fans Club一齊做運動、做慈善工作，都因為工作忙放了飛機。」問到他的願望不是找個女朋友嗎？他謂四十歲都唔急的，也不是說搵就搵到，而且事業去年才開始有眉目，想先注重工作。問到他是否計劃今年開迷你演唱會？他說：「其實都講了好多年，不過之前一直冇時間，希望抽時間學唱歌跳舞，不過都要時間籌備，始終每年都接一兩套劇，希望今年可完成夢想。」
前晚出席生日會的粉絲來自東南亞不同地方，問到展鵬可會想搞國際歌迷會，他說：「冇諗到咁遠，先搞Mini Concert，都要儲夠歌，要搵老師去學好唱歌，勤加練習，亦要跑步練氣，因最近體能下降了不少。(因為演唱會要唱Live不能夠咪嘴？）Bigbang跳得咁勁就要咪嘴，我企着唱，當然要唱Live。」
說到他的生日會愈搞愈大，問到下次會否在會展搞？他笑說：「會展搞就要搞Mini Concert，（進軍紅館？）我只係個演員，又唔係歌手，未有出碟，睇公司安排。」問到緋聞女友胡定欣可有表示？他笑說：「之前出騷她有同我講聲生日快樂，話會請我吃飯，我會搵佢找數，但大家都忙，相信都會在TVB餐廳食。」