■鄭丹瑞找來大女鄭瑤（左）及細女鄭珉（右）客串新片。香港文匯報訊（記者 植植）鄭丹瑞（旦哥）新片《小男人週記3之吾家有喜》昨日於上環文武廟舉行新年拜神活動，演員鄧月平（Larine）、談善言、陳嘉莉出席，同場還有為電影客串，旦哥大女鄭瑤（Zaneta）、細女鄭珉（Amanda）。旦哥一家三口接受訪問時笑指老婆去咗「wet」，丟低三個人唔知點好，三人相依為命，其實係因為星期日係family day，之後會一齊食飯。
旦哥大讚兩人可以獲最佳女配角，他爆2人最叻是做反白眼表情，旦哥說：「她們平時最叻對住我反白眼，叫她們乖啲要讀書就反我白眼，喺套戲入面我做老細，她們在我面前好禮貌，背住我就反白眼，嗰場戲她們真係做得好好。(讓女兒當主角？)唔好搞咁多嘢，她們好忙，都有正職，唔似我係待業中年。（想唔想女兒繼承你衣缽？）要她們有興趣先得，唔逼得。其實今次係想同囡囡有個crossover ，一齊喺鏡頭出現作為紀念。」之後更叫兩名女兒即場示範反白眼，十分搞笑。