【資料速遞】勁哥兒經典賽爆得

2017-01-20

目前香港最大馬主蕭氏家族今次賽事陣容鼎盛，全日共有七匹上陣馬，當中來頭最大係意大利打吡冠軍「勁哥兒」，今次有望憑質補狀態之不足。告東尼訓練意大利馬成功率高，遠有「威利加數」，近季有「華美之友」、「將才」、「美麗大師」及「鴻圖飛星」，全部都取得頭馬而回。「勁哥兒」曾於祖家兩勝表列賽，之後於意大利二千堅尼千六米途程取得季軍，繼而攻陷二千二百米二級賽意大利打吡。由於當地賽事水準近年水漲船高，加上屬爆冷贏打吡黑馬，真正實力隨時勁過紙上賽績，由告東尼訓練隨時可練快十個馬位，上場熱身後立即加強備戰，捲土重來提防一鳴驚人。