【資料速遞】積極皇能一出即食

2017-01-20

頭場四班一千米，姚本輝馬房雙龍出海，「積極皇」雖然首次上陣但備戰積極，幕後有意食頭圍，此駒兩試草閘由郭能考驗，首次試八百米八駒排三檔勝出，起步敏捷順住走一氣呵成，直領到底從容不迫，第二次試千米直路閘，十駒排七檔，出閘後騎者刻意捉實居第五位跟跑，到最後一百米稍推騎兩步即有反應，逐步加快追入第三，保持勁勢過終點，呢課閘明顯考驗後追力，兩課閘試前試後已仄準，今次唯一對手是新勝的「叫關健康」，但掛頭牌上陣稍為蝕底，同是三歲質新且早熟的「積極皇」只負一二六磅受讓七磅確着數可望旗開得勝。